6 طرق تساعد الآباء على تغطية تكاليف الدراسة الجامعية لأبنائهم

من المواضيع اللي قليل إن أحد يتكلم عنها هو موضوع الادخار عشان تكاليف الدراسة الجامعية اللي تكون عالية في الجامعات الخاصة وحتى بعض الجامعات الحكومية (اللي تفرض رسوم لأسباب مختلفة). رسوم عالية لدرجة أنها تحتاج استعداد من بدري عشان تقدر تغطيها. في العادة تكون تكلفة الدراسة الإجمالية عشرات وأحياناً مئات الآلاف من الريالات. هذا طبعاً لرسوم الجامعة فقط بدون  المصاريف الثانية مثل السكن والنقل والكتب والمصاريف الشخصية، وغير موضوع إن المصاريف الجامعية صايرة ترتفع مع مرور الوقت.

بغض النظر عن مين المفروض يدفع الرسوم هذي وان فيه طلاب يستعينون بالعمل الجزئي لتكفي جزء من تكاليف دراستهم الجامعية، فيه بعد آباء وأمهات يبدون يدخرون لدراسة أولادهم من قبل ما يكون عندهم أولاد. والسؤال هنا وش هي الخيارات الثانية بالاضافة للادخار اللي تخفف ضغط تكاليف الدراسة الجامعية لأبناءك؟

  1. الادخار من وقت مبكر
    البدء في الادخار مبكر أفضل الخيارات، من خلال توفير مبلغ بسيط بشكل شهري لحين وصول ولدك للجامعة وكل ما زادت مدة الادخار صارت قروش الادخار الشهري أعلى. وفيه دراسات تقول إن أغلب الآباء اللي يدخرون عشان تكاليف دراسة أبنائهم الجامعية كانوا أصحاب نصيب أقل للضغوط المالية حين وصل أبنائهم للجامعة.
  2. حساب توفير خاص بالتعليم
    تقدر تستفيد من بعض الخدمات اللي تقدمها البنوك في هذا الخصوص لأن فيه امكانية انك تخصص حساب ادخار أو حساب استثماري خاص بمصاريف الجامعة. وتكون مثل الحسابات هذي في الغالب ما تخضع للضريبة.
  3. العمل الإضافي
    مع كثرة المصاريف وزيادة الأعباء المادية وغلاء المعيشة صار البحث عن عمل إضافي من أبرز الخيارات عند الأب عشان يخفف من المصاريف ويقدر يوفر فلوس أكثر تساعده على الادخار لمصاريف الجامعة لأولاده.
  4. المنح الدراسية
    أول شي المفروض تفكر فيه هو المنح الدراسية اللي تقدمها كثير من الجهات بما فيها الجامعات نفسها. بعض المنح تكون منحة كاملة وبعضها تكون جزئية بحيث يكون عليك تتحمل نسبة معينة من التكاليف على سبيل المثال 30%. وكل اللي عليك أنك تشوف وش هي الجهات اللي تقدم المنح الدراسية وشروط كل جهة وتشوف اللي يناسبك منها ويتوافق مع وضع ابنك وتقدم عليها.
  5. القروض التعليمية
    عشان تكاليف الدراسة الجامعية عالية بالنسبة لأكثر العائلات. وأحياناً ما تكون العائلة مستعدة لتسديد رسوم الجامعة. فتكون القروض التعليمية هي الخيار الأفضل وقتها خاصة أنها تكون أنسب من نواحي كثير مقارنة بالقروض العادية مثلاً. وفي حال وجود قروض حكومية راح تكون أفضل بدون شك لأنها في الغالب أقل نسبة فائدة وأكثر أمان.
  6. شجع أبناءك على العمل الجزئي
    شجع ابنك على أنه يشتغل عمل جزئي أو تدريب في الأجازة مقابل راتب ولو بسيط عشان يعرف شكل سوق العمل قبل ما يخلص دراسته ويكون جاهز له ويتمكن من الممارسة ويكتسب خبرة ويصقل شخصيته ويعتمد على نفسه وكمان يتحمل جزء من سداد مصاريف الجامعة.

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.